Бүгін мәжіліс кулуарында мопед тіркеу қашан басталатынын Ішкі істер министрінің орынбасары Игорь Лепёха айтты.
«Қазір біз түзетуді (көлік құралын тіркеу ережесін түзету. — Kolesa.kz редакциясының ескерт.) бекітеміз, қарашаның аяғына дейін бұл жұмысты аяқтаймыз және 1 желтоқсаннан бастап тіркеуді бастаймыз. Техникалық жағдайға қойылатын талаптар әзірге жоқ. Кейін жүргізушілер мопедті техникалық тексеруден өткізеді. Алғашқы кезеңде тек нөмірдің болуын және қалғанын тексереміз», — деп түсіндірді вице-министр. И. Лепёханың мәліметінше, Қазақстанда шамамен 70 мың скутер бар, ал тіркеуден өтпеген техниканы патруль қызметкерлері айыптұраққа жібереді.
Бұған дейін Президент мопедті куәліксіз және мемлекеттік нөмірсіз жүргізуге тыйым салатын заңға қол қойған, ол 2025 жылдың көктемінде күшіне енеді. ІІМ Kolesa.kz редакциясына осы уақытқа дейін полицейлердің скутерді тіркеуге заңды негізі болмайтынын да түсіндірді.
Комментариев: 0