25 шілдеде Орталық коммуникациялар қызметінде өткен брифинг кезінде ҚР ІІМ Әкімшілік полиция комитетінің төрағасы Қайсар Сұлтанбаев мопед тіркеу барысы туралы айтты.
Шендінің айтуынша мопедті есепке қою мотоцикл мен автомобильді тіркеу тәртібімен ұқсас болады. Негізгі айырмашылық қажетті құжаттар тізімінде ғана. ІІМ нақты қандай құжат сұрайтынын әлі анықтаған жоқ, бірақ Сұлтанбаев мопедті сатып алған сәттегі түбіртек болса жеткілікті деп отыр. Тіркеу кезінде полицейлер көлік құралын тікеу туралы куәлікке агрегат және (немесе) рама нөмірін (егер бар болса) жазуы мүмкін.
Мопедтің мемлекеттік нөмірі мотоциклдікімен бірдей болады. Сұлтанбаев оның өлшемі ыңғайлы деп санайды.
ӘПК төрағасының бұл сөзіне мопедшілер ғана емес, мотоцикл жүргізушілері де келіспейді. Бастамашыл топ мотоцикл нөмірінің стандартын қайта қарау жөнінде петиция жариялаған. Олар нөмір тақтасының өлшемі Ресейдегі сияқты 190×145 мм болғанын қалайды. Қазақстанда қазір мотоциклшілер 240×202 мм нөмір тағып жүр. Мототехникаға Ресей ғана емес, Еуропа және Оңтүстік-Шығыс Азия елдері де шағын нөмір тақтасын тағады.
Комментариев: 0