Мопед тіркеу қашан басталады? Ішкі істер министрлігі ресми жауап берді

Мопед тіркеуді міндеттейтін «Жол қозғалысы туралы» заңға және Әкімшілік кодекске енген өзгерістер 2025 жылдың сәуірінде күшіне енеді. Мопед мотоциклдің мемлекеттік нөмірін алады.

Бүгін брифингте Ішкі істер министрлігінің әкімшілік полиция комитетінің төрағасы Қайсар Сұлтанбаев мопед тіркеу 2025 жылдың басында басталатынын хабарлады.

— 1 қаңтардан бастап азаматтар арнайы ХҚКО-ға жүгіне алады. Ал мопед жүргізушісін әртүрлі құқық бұзушылық үшін жауапқа тарту неге 4 сәуірден басталады? Неге кейінге қалды? Жаңа заңнама бойынша мопед жүргізушісінде А1 категориясындағы куәлік болуға тиіс. Куәлігі жоқ болса, оларға оқу, куәлік алу, мопед тіркеу және мемлекеттік нөмір алу үшін уақыт керек деп түсіндірді бас полиция қызметкері.

Қ. Сұлтанбаев 2025 жылдың 4 сәуірінен бастап мопед механикалық көлік құралымен теңесетінін және ереже бұзған жағдайда автоматты тіркеу жүйелері және полиция қызметкерлері оны тіркей алатынын еске салды.

Куәліксіз және мемлекеттік нөмірсіз жүрген мопедшіге қандай айыппұл салынатынын Kolesa.kz редакциясы бұрын баяндаған еді.