Mitsuoka жасаған мини-Challenger саудаға шығады

Mitsuoka сырт келбеті классикалық Dodge Challenger-ге ұқсайтын мерейтойлық M55 концептісін сериялы түрде өндіреді.

Бес есікті Honda Civic-тің он бірінші буынын маслкарға айналдыру жұмыстарына кететін шығынды есептеуге байланысты жоба ұзаққа созылды. Автомобильдің алдыңғы және артқы бөлігі өзгергендіктен бастапқы модельге ұқсамайды, тек бүйірінен қарағанда ұқсастық бар. Оның өзінде қай модельге негізделгенін білгенде ғана байқауға болады.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Mitsuoka көліктің сырт келбетін ретро стильге келтірумен айналысады, ал донордың техникалық сипаттамасын өзгертпейді. Шағын Challenger Honda Civic-тің 182 ат күшіне ие (240 Нм) 1.5 литрлік турбомоторын және механикалық қорабын сақтап қалды. Салонында да аса өзгеріс жоқ, тек көкшіл түсті жоғары сапалы былғарымен қапталған орындықтар мен рөлде фирмалық белгі пайда болды.

2025 жылы компания 100 автомобиль құрастырады. Механикалық қорабы бар нұсқа 8 085 000 иен (шамамен 52 200 доллар) тұрады, кейін вариатормен жабдықталған гибрид жарық көреді.

1 / 7

• 
• 
• 
• 
• 
• 
• 

1 / 7

Mitsuoka M55-ті сатып алу тәртібі ерекше. Тюнерлер алдымен тапсырыс қабылдайды, оның саны 350 клиентпен шектеледі. Фирманың Жапониядағы дилерлерінде ғана тапсырыс беруге болады және 550 000 иен (шамамен 3 500 доллар) төлеу қажет. Кейінірек компания лотерея өткізіп, 100 адамды таңдайды. Жеңімпаздар автомобиль дайын болғанда сатып алады. Ателье қалған қатысушыларға ақшасын қайтарып береді.