10 тамызда Индонезияда өтетін халықаралық автосалонда Mitsubishi Motors жаңа кроссоверін дүйім жұртқа таныстырады. Атауын әзірге жариялаған жоқ, бірақ сырт пішіні белгілі болды.
Алғашқы суреттерге қарап, машина 2022 жылы күзде шыққан XFC концептісінің сериялық нұсқасы екенін көреміз. Көлік Т тәрізді шам, ірі радиатор торы мен жүксалғыш есігімен қосарланған күрделі бүйірлік пластикаға ие болды. Автомобильдің көлемі Hyundai Creta және Kia Seltos-пен бірдей-ақ. Ұзындығы — 4390, ені — 1810, ал биіктігі — 1660 мм. Дөңгелек базасы белгісіз машинаның жол саңылауы – 222 мм.
Mitsubishi күштік құрылым туралы да мәлімет берді. Капот астында вариатормен жұптаса жүретін 1.5 литрлік мотор тұрады. Барлық момент алдыңғы дөңгелектерге беріледі. Толық жетекті нұсқасы болмайды.
Кроссовер Индонезияға арнап жасалған. Өндірісі сол елден бастау алады, биыл қарашада сатыла бастайды.
Комментариев: 0