Mitsubishi жаңа Delica шығаруы мүмкін

Mitsubishi компаниясы Japan Mobility Show көрмесінде Delica D:5-тің жаңарған нұсқасы саналатын D:X концептісін көрсетті. Шоукарды жасағанда мамандар бірнеше қызық технология қолданғанмен, модель көпке таныс статусын сақтап қалған.

1 / 6

1 / 6

Бренд шанақ құрылымына тік және көлденең орналасқан мықты арқалықтар қолданғанын мәлімдеді. D:X сәл домаланып, футуристік кейіпке еніпті. Концептінің жол талғамайтынын жақсарған қорғаныш бастырығынан, «сұсты» дөңгелегінен және шатырындағы жүксалғыш боксынан байқауға болады.

Жақсарған шанақ сырғымалы есік қасында тұратын ортаңғы тіреулерден арылуға мүмкіндік берді. Бұл тез мініп-түсуге жағдай жасайды. Машинада жеке-жеке алты кресло бар, жолаушы отыратын алдыңғы орындық салон ішіне толық бұрылады. Бас тірегіштерге Yamaha маркасы арнайы әзірлеген динамик орнатқан.

1 / 5

Жүргізуші бірнеше экранды пайдалана алады. Мұнда дәстүрлі аспаптар панелінен бөлек рөл күпшегінде тұратын дисплей бар, ал сол жақтағы кеңістікті бірыңғай тачскрин алып жатыр. Оның көмегімен «ашық еден» функциясын қосуға болады. Яғни, дисплейдегі сурет алдыңғы терезедегі көрініспен ұштасады. Электроника суретке нысандардың сипаттамасы мен навигатор нұсқауын да қоса алады.

Mitsubishi D:X-тің күштік құрылымына қатысты ақпарат аз, тек гибрид нұсқасы болатыны және көбіне электр күшімен жүретіні белгілі. Толық жетек жүйесін де электромотор қамтамасыз етеді. Вэн биік болғанына қарамастан, жеңіл автомобиль сияқты басқарылады.

Mitsubishi өкілдері қазір жолда жүрген Delica D:5-ті жаңарту туралы ашып ештеңе айтпаса да, концепт брендтің мақсаты мен имиджіне толық сай келетінін атап өтті.

Комментариев: 0