Жаңа Mitsubishi ASX-тің алғашқы тизері биыл қаңтарда жарияланған. Енді оны қашан таныстыратыны белгілі болды. Модельдің ресми тұсаукесері 20 қарашаға жоспарланған, ал Еуропада келер жылы сатыла бастайды.
Екінші буындағы ASX 2010 жылдан бері шығып, үш рестайлингтен өткен шағын кроссовердің орнын басады. Алайда жаңа ASX Mitsubishi өзі жасаған өнім емес. Ол — өңі өзгерген Renault Captur.
Автокөлікке ерекше бампер мен басқа радиатор торын орнатылуы мүмкін. Интерьерінде де біраз өзгеріс болады. Бірнеше агрегаттан тұратын мотор топтамасында 91 күш беретін 3 цилиндрлі турбомотор мен 1.6 литрлік қозғалтқыш бар. Ол екі электромотор мен 10.5 кВт·сағ батареядан тұратын 160 ат күшіне ие PHEV секілді гибрид күштік құрылымдарға база болады.
Комментариев: 0