Mitsubishi XForce-ты таныстырды

Тамыздың алғашқы жұлдызында Mitsubishi тауар түріндегі XFC кроссоверін көрсетіп еді. Енді Индонезияда модельдің ресми тұсаукесері өтті. Жаңа көлік XForce деп аталады.

1 / 11

• 
• 
• 
• 
• 
• 
• 
• 
• 
• 
• 

1 / 11

Mitsubishi XForce-тың өлшемі бұған дейін белгілі болған. Ол ASX-пен және өзінің алдыңғы итерацияларымен шамалас. Ұзындығы — 4390, ені — 1810, биіктігі — 1660, ал ось арасындағы қашықтық — 2650 мм. Клиренсі — 222 миллиметр.

Салондағы бір планшетке біріккен қос дисплей бірден көзге түседі. Медиажүйе — 12.3 дюйм, ал цифрлы аспаптар панелі — 8 дюйм. Борттық жүйедегі қосымшалардың бірі ескі Pajero мен Delica-да болған кренометр, альтиметр және компасы бар панельдерді еске түсіреді.

1 / 7

• 
• 
• 
• 
• 
• 
• 

1 / 7

Марка өкілдері XForce-тың интерьері сегменттегі ең кең әрі ыңғайлы нұсқалардың бірі болатынын айтты, бірақ бұл мәлімдемесін нақтыламады. Модельдің жабдықтар тізімі жаман емес. Өзгесін қоспағанда сегіз динамигі бар Yamaha аудиожүйесі, сымсыз қуаттағыш, салқындатқыш бокс, ұсақ-түйек сақтайтын көптеген қуыс, алдыңғы және артқы жақта орналасқан USB-C-рәзеткелер, тегіс, балшық, қиыршық жолда қозғалыс режимін таңдау мүмкіндігі және ылғал трассада қолданатын баптаулар сияқты жүргізуші ассистенттері бар.

Капот астында 105 ат күшін (141 Нм) беретін 1.5 литрлік атмосфералы мотор тұр. Агрегат алдыңғы жетекті вариатормен жұптасқан. Ал күштік құрылымы Xpander вэнімен бірдей-ақ.

Mitsubishi XForce-ты Индонезиядағы зауытта өндіреді. Негізгі сауда аймағы — Оңтүстік Шығыс Азия елдері. Бірақ компания мұнымен шектелмек емес. Көлікті Латын Америкасы, Таяу Шығыс және Африкадағы бірнеше мемлекетке экспорттау жоспарда бар.