Британиялық Autocar журналының мамандары аңызға айналған Lancer Evolution көлігінің қайта оралуына қатысты жоспар жөніндегі ақпаратпен бөлісті.
Жапониядағы дереккөздерге сүйенген тілшілер он бірінші Evo альянстың CMF-C/D F4 жаһандық платформасына негізделетінін мәлімдеді. Үлгі бірден екі шанақта, яғни седан мен 5 есікті хэтчбек түрінде ұсынылады-мыс.
Evo Renault Megane RS хот-хэтчінің келесі буынынан алынатын 2 литрлі қатарлы турбомотр арқылы қозғалысқа келеді. Мұндай «төрттік» 300-ге жуық күш береді. Британиялықтар жаңа Evolution жеңіл гибрид болып шығады және күштік қондырғының ең жоғарғы қуаттылығы 340 ат күшінен асып түседі деп тұжырымдап отыр.
Мотор моментті төрт дөңгелекке S-AWC толық жетекті жүйесі арқылы беретін екі ілінісуі бар роботпен агрегатталады.
Mitsubishi Lancer Evolution XI үлгісінің нарыққа қашан шығатыны белгісіз.
Комментариев: 0