Mitsubishi L200-дің жаңа буыны жарық көреді

Mitsubishi түрлі нарықта L200 немесе Triton деп аталатын пикаптың жаңа буынының алғашқы суретін жариялады. Одан машинаның сырт пішіні өзгеріп, динамикасы жақсарғанын көруге болады. Бұдан бөлек жаңа өнімнің жол талғамайтын мүмкіндігі мен салонын көрсететін видео ұсынды.

Фотосуреттен пикаптың артқы тірегінің пішіні өзгеріп, қанатындағы қатпар сол күйі қалғанын байқаймыз. L200-дің алдыңғы бөлігі айтарлықтай өзгереді, бұрыштық хром элементтерден арылып, X стилінен толық бас тартады. Радиатор торы тікбұрышты болып, ламель көлденең орналасады. Пикап екі деңгейлі оптикасын сақтап қалған, бірақ жарық техникасының формасы да, орны да басқаша. Жаңа буын алдыңғы модельден сәл үлкен болады.

1 / 4

• 
• 
• 
• 

1 / 4

Mitsubishi L200 интерьерінде шағын медиажүйе дисплейі көзге түседі, мұндай экран Outlander кроссоверінде болған. Рөл мен аспаптар панелін де осы модельден алатын шығар. Ал климат-бақылау блогы мен ортаңғы консоль өзгеше болады. Трансмиссия режимінің селекторынан артқы жетек пен толық жетек белгісін көруге болады.

1 / 4

• 
• 
• 
• 

1 / 4

Пикап рамалы құрылымы мен қиылмаған артқы белдігін сақтайды. Машинаға қазіргі 154 ат күшіне ие (380 Нм) 2.4 литрлік дизельді мотордың жаңасы қойылады, бірақ оның көлемі қазіргімен бірдей болады.

Қазақстанда Mitsubishi L200 үш нұсқада сатылып жатыр, 2022 жылғы көліктер 22.45 млн теңге тұрады.