Гонконгта 1990 жылы шыққан алтыншы буындағы Mitsubishi Galant-тың оң рөлді нұсқасы аукционда сатылады. Машина қазірге дейін 125 мың шақырым жол жүрген, тағы бір ерекшелігі — ол модельдің сирек кездесетін AMG нұсқасы. Түрлі ақпарат көзінде Galant AMG-дің жалпы саны 500-1400 дана екені айтылады.
Атауында AMG әрпі бар көлік әдеттегі «Галанттан» фирмалық бастырық, 15 дюймдік дөңгелек дискісі, 5 сатылы механика қорап иінтірегінің Nardi Prestige ағаш тұтқасы және жақсартылған моторымен ерекшеленеді.
Galant AMG-ге 2 литрлік 4G63 атмосфералы қозғалтқышы орнатылған. Мотор стандарт Galant GTi-16v сияқты 140 ат күшіне емес, 170 ат күшіне ие. Машина алдыңғы жетекті болғандықтан, барлық 191 Нм момент тек екі дөңгелекке беріледі.
Сатушының машинаның сырты да, іші де өте жақсы жағдайда екенін және көрсетілген қызмет тарихы толық сақталғанын айтады. Galant AMG Гонконгта тұрғанымен, әлі Жапонияда тіркеулі. Қазіргі иесінің көлікті қаншаға сататыны белгісіз, бірақ бәссаудаға қатысқандар ұсынған баға 11 мың долларға жетті.
Комментариев: 0