Келер жылы Delica топтамасы модель тарихындағы ең кішкентай көлікпен толығады. Бірақ 3.4 метрлік вэн жол талғамайтын дизайны мен толық жетек жүйесін сақтап қалады.
Mitsubishi машинаның техникасына қатысты мәлімет бермеді. Дегенмен Delica Mini өңі өзгерген Mitsubishi eK кей-кары болуы мүмкін деген болжам бар, демек соның күштік құрылымын (64 ат күшін беретін 660 текше см турбомотор мен вариатор) алады. Көліктің толық жетекті болуын артқы осьтегі муфта қамтамасыз етеді. Бесінші есіктегі Hybrid жазуы модельде қосымша стартёр-генератор болатынын білдірсе керек.
Жаңа машинаның көлемі кей-карға қойылатын талаптарға сай болу үшін кішірейген: ұзындығы — 3400 мм, ені — 1480 мм. Дөңгелек базасы Mitsubishi eK-пен бірдей болатын сияқты (2495 мм).
Фотосуреттен Delica Mini-дің ерекше имиджін дизайнерлер алдыңғы бөлігін барынша қатал әрлеу арқылы айқындағаны байқалады. Қорғаныш пластинасына ұқсайтын бампер мен бастырық орнатқан. Одан бөлек кросс-вэннің қырлы дөңгелек аркасы көзге түседі.
Марка ең кішкентай Delica-ны Токиода өтетін атосалонда көрсетеді. 2023 жылы модель 55 жылдық мерейтойын атап өтеді, топтама соған орай толығып жатыр.
Комментариев: 0