Mini электрлі Aceman-ды көрсетті

Mini топтамасына тағы бір электромобиль қосылды. Қытайда жаңа Cooper-мен бірге шығатын бұл кроссовер Aceman деп аталады. Көлік британиялық брендтің топтамасында Countryman-нен бір саты төмен тұрады. Ұзындығы — 4075 мм, ені — 1754 мм, биіктігі — 1495 мм, дөңгелек базасы — 2606 мм. «Кантрименге» ұқсас болғанына қарамастан, Aceman 354 мм қысқа.

1 / 9

• 
• 
• 
• 
• 
• 
• 
• 
• 

1 / 9

Кроссовердің салонындағы аспаптар панелі және медиакешен ретінде қызмет ететін 9.5 дюймдік домалақ OLED дисплей бірден көзге түседі. Mini барлық функцияны басқаруды сенсорлы экранға ғана емес, оның астындағы селектор мен оталдыру батырмасы бар шағын түймелер блогына қалдырды. Модельдің алдыңғы панелі астында жарықдиодты атмосфералы жарықтандыруы бар матамен қапталған. Оның түсі Mini Experience-те таңдалған пресетке байланысты өзгереді.

1 / 10

• 
• 
• 
• 
• 
• 
• 
• 
• 
• 

1 / 10

Aceman тек алдыңғы жетекті болуы мүмкін, бірақ екі күштік құрылым қолжетіміді. Біріншісі 42.5 киловатт батареямен үйлесімді 184 ат күші (290 Нм) бар электрлі мотормен жабдықталады. Бұл модификацияның жүріс қоры 310 шақырымға жетеді, алғашқы жүздікті 7.9 секундта еңсереді. Қуаттырақ Aceman SE 218 ат күшін (310 Нм) беретін және 54.2 кВт/сағ батареямен жабдықталған, ол қуаттаусыз 406 шақырым жүре алады.

Mini Aceman Еуропада биыл күзде сатыла бастайды. Компания төрт комлектация ұсынады деп күтілуде: Essential, Classic, Favored және спорттық JCW, бірақ бағалары әлі белгісіз.