Америка тұрғыны Джастин Килмер 2003 жылғы Honda Accord купесімен миллион миль (1.6 млн км) жол жүрген. Бұл оның қызметіне байланысты, Джастин медициналық курьер — мекемелерге дәрі-дәрмек, қан құюға қажет материалдар жеткізеді. Honda Accord әйеліне тиесілі болған екен. Килмер 2015 жылы курьер қызметін атқара бастайды, ол кезде машина 185 мың миль еңсеріп үлгеріпті. Ал Джастин жылына шамамен 100 мың миль жол жүреді.
Купе капотының астында 3 литрлік түпнұсқа V6 (J30A4) тұр. Бірақ бұл машина мінсіз дегенді білдірмейді. Килмер көліктің механикалық қорабын, радиаторын, катализаторын, рөл күшейткішін бірнеше мәрте ауыстырған. Жүргізуші орындығын да жаңартуға тура келіпті.
Көлік қозғалтқышының соңғы демі үзілуге жақын. Бес мың миль сайын май құю қажет. Автомобиль иесі түсірген видеолардың бірінде аспаптар панелінде «чек» пен басқа қадағалаушы бағдарламалар жанып, ақау барын ескертіп тұрғаны байқалады. Алайда Килмер моторын қайта ауыстыруға ниетті емес, күрделі жөндеу жүргізуі мүмкін.
Шанағы да зауыттан шыққандағы күйін сақтап қалған. АҚШ-тың оңтүстік бөлігіндегі жылы климат оң әсер еткені анық. Бірақ сыртын бояп, уақыт өте күңгірт тартқан оптикасын қалпына келтірген екен.
Комментариев: 0