Михаэль Шумахер мінген тағы бір болид сатылады

Гонконгтағы RM Sotheby’s аукционына сәуірде Ferrari F1-2000 шығады. Михаэль Шумахер осы машинамен 2000 жылы жарысқа қатысып, жеңімпаз атанған. Болид жолға шығуға дайын күйінде сатылады. Бұл бәссаудаға түсетін формула көліктері үшін сирек кездесетін жағдай. Сарапшылар шамамен 7.5-9.5 млн долларға сатылады деп болжап отыр.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Аукционға 198 нөмірлі шасси шығады. Болидті бастапқыда қосалқы көлік ретінде жасаған, дегенмен ол жарысқа қатысты. Шумахер бұл темір тұлпармен бір маусымда төрт жарысқа қатысқан. Екеуінде мәреге жете алмады, Испанияда бесінші орын алса, Бразилияда үздік атанды.

Аукцион өкілдері Қызыл барон Ferrari-дегі бүкіл мансабында тек Монакода осы көлікпен поул-позицияға қол жеткізгенін айтты.

1 / 4

• 
• 
• 
• 

1 / 4

Маусым аяқталған соң спорткар Маранеллоға қайтарып, толық қалпына келтірген. Бір жылдан кейін Ferrari оны бір коллекционерге сатқан. Ол 2005 жылы сертификат рәсімдеп, компанияның клиенттік шараларына қатысуға дайындады. Бұл сатып алған адамның тарихи болидпен Ferrari Corse Clienti-ге қатысуына мүмкіндік береді.

1 / 5

• 
• 
• 
• 
• 

1 / 5

Біраз уақыт бұрын Шумахер мінген бірнеше болид аукционға шыққан. Мәселен, 2021 жылы жазда Jordan 191 саудаға түсті. Былтыр қарашада 2003 жылғы жарысқа қатысқан Ferrari 14.9 миллион долларға өтті.