1968 жылдың 26 қарашасында Ингольштадт қаласындағы театрда «100» индексіндегі жап-жаңа Audi көпшілікке таныстырылған еді. Автокөлік жаңарған марканың флагманына айналып, үздік нұсқасы 100 арғымақтың күші бар моторға ие болған. Мұндағы 100 саны да дәл осы көрсеткішке негізделген.
Көліктің алғашқы буыны конвейерде сегіз жыл тұрақтады, осы уақыт аралығында 800 мыңнан астам седандар мен купелер сатылыпты. Темір тұлпардың екінші буыны да сәтті шыққан, дегенмен оның нәтижесі үшінші буындағы «С3» үлгісімен салыстырғанда төмендеу болды.
Біздің елдің әр түкпірінен әлі күнге дейін Audi 100-дің үшінші буынын кездестіруге болады, «жүздік» қалааралық такси жүргізушілерінің сүйіктісіне айналған. Бұған себеп болған кең салон, үлкен жүк салғыш пен жайлы аспа еді.
Төртінші буын жүзінші үлгі үшін соңғысы болып табылады, жоспарлы рестайлингтен кейін оның атауы Audi A6 деп өзгертілді. Жалпы әлем бойынша 3.2 миллионға жуық «жүздік» сатылған екен. Өзінің тым ұзақ болмаса да, аса жарқын өмірінде автокөлік екі рет Car of the Year атағын иеленген.
Комментариев: 0