Электрлі Mercedes-Benz топтамасы өте үлкен, қазір EQE және EQS жеңіл көлігі, EQA, EQB, EQC, EQE SUV және EQS SUV кроссовері, EQV минивэні бар, болашақта бұл қатарға EQG жол талғамайтын көлігі мен EQT микровэні қосылады. Демек олар үшін жеке сауда орталығын ашу ақылға қонымды шешім екені анық.
Mercedes EQ Yokohama дилерлік орталығы Токионың оңтүстігінде, Йокогамада ашылды. Автосалонда қазір Mercedes EQS қатарлы бес электрлі модель сатылады. Сервис орталығында техникалық қызмет көрсету орны мен жылдам қуаттау құрылғысы бар. Алда күн батареясын орнату арқылы орталықта толықтай немесе жартылай жаңа энергия көзін пайдалану жоспарланып отыр.
Презентация бағдарламасында жаңа көліктерді таныстырумен қатар, тест-драйв өтікзу және арнайы MB Rent қызметі бар. Соңғысы клиенттерге марка электромобилін пайдалану тәжірибесін таныстырады, адамдар осыған қарап мұндай машина өзіне сәйкес келе ме, жоқ па анықтайды.
Қазақстанға Mercedes EQ көліктері ресми келген жоқ. Бірақ Kolesa.kz-те неміс электромобильдері сатылып жатыр.
Комментариев: 0