Mercedes-Maybach топтамасы SL 680 родстерімен толықты

Mercedes-Benz «Майбах» топтамасын жаңа модельдермен толықтырып жатыр. Бұл жолы компания Mercedes-AMG SL 63-ке негізделген үсті ашық екі есікті машинаны көрсетті.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

SL 680 индексті автомобиль сырттай хромды бастырық, екі түсті бояу, ерекше жарық техникасы, фирмалық дөңгелек дискісі және жарық шашатын радиатор торымен ерекшеленеді. Дизайнерлер машинаның жұмсақ төбесіне көптеген бренд логотипін сызыпты. SL 680-нің капоты да солай әрленеді.

Салонның орналасу реті таңғалдырмай қоймайды. Стандарт Mercedes-AMG SL 63 төрт орынды болса, «Майбахта» екі орын ғана бар. Марка интерьерді ақ және қара түске бояп, наппа былғарысымен, тот баспайтын болатпен әрлеген.

1 / 6

• 
• 
• 
• 
• 
• 

1 / 6

Родстердің техникалық жағы SL 63-пен бірдей. Капот астында 585 ат күші мен 800 Нм моментті 9 сатылы 9G-Tronic автомат қорабы арқылы барлық дөңгелекке беретін 4 литрлік V8 тұр. Машина жайлы болу үшін инженерлер аспасын жаңартып, газ шығару жүйесінің дыбысын азайтты. SL 680 алғашқы жүздікті SL 63-ке қарағанда жарты секунд жылдам еңсереді. Ал ең жоғары жылдамдығы 260 км/сағ мөлшерінде шектелген.

SL 680 саудаға 2025 жылдың екінші жартысында шығады. Жаңа өнімнің бағасы әлі белгісіз. Mercedes-AMG SL 63 АҚШ-та 187 мың доллар тұратынын ескерсек, «Майбахтың» бағасы 200 мыңнан кем болмайтын шығар.