Mercedes көліктерін рөлді ұстамай-ақ жүргізуге болады

Неміс автоөндірушісі тәуекелге барды. Drive Pilot Level 3 «автоматты жүргізу жүйесі» іске қосылғанда максимал жылдамдық 95 шақырымға артады, ал жүргізушіге рөл мен педаль пайдаланбаса да болады.

Drive Pilot 3 жұмыс істеуі үшін көрінетін жол белгілері, ашық күн, қолайлы жарық болуы керек. Осы шарттардың біреуі орындалмаса, Drive Pilot жұмыс істемейді.

Фарасы, артқы шамдары және бүйірлік айнасы көгілдір түспен жанып тұрса, жанындағы жүргізуші бұл машинаны автопилот басқарып келе жатқанын біле алады. Процедура әлі мемлекеттік органдардың мақұлдауын күтуде. Қазір рөлді ұстамай тек екі АҚШ штатында — Калифорния мен Невадада жүруге болады.

Жаңа Mercedes-Benz иелері енді жолда тамақ ішіп, сәнденіп, смартфон қарап, тіпті ұйықтайтын болады. Жұрт кенеттен пайда болған мүмкіндікті әлеуметтік желі арқылы көрсетіп жатыр.

Компания жақсарып келе жатқан Drive Pilot-ты толыққанды робомобиль ретінде көреді. Алайда Waymo мен Cruise сияқты автономды жүргізу жүйесін әзірлеушілер 3-деңгейлі жартылай автономды автопилот әлі жақсармағандықтан оны қауіпті деп есептейді (бұл туралы қозғалыс қауіпсіздігінің мамандары бірнеше рет ескерткен), сондықтан адам басқармайтын 4-деңгейге бірден өтуді көздейді.