Mercedes EQE гаражбен бірге өртеніп кетті

АҚШ-тағы Сент-Джонс округінің (Флорида штаты) Нокати қалашығында 2023 жылғы Mercedes EQE 350+ тұрған гараж өртеніп кетті, құтқару қызметі оның себебін анықтап жатыр.

Дженнифер Руотоло өз көлігін автосалонға жөндеуге беріп, электромобильді уақытша мініп жүрген деп хабарлады News4Jax. Ол EQE гаражда бір тәулік қана тұрғанын айтады, ол кезде әйел жұмыста болыпты. Сағат 8:30 шамасында гараждан дыбыс естіліп, көп ұзамай өрт шыққан, электромобильді шарпыған қызыл жалын гаражды толық отқа орап, үй шатырына тарала бастаған.

Гаражда қуаттау құрылғысы болмаған, өйткені Дженнифер мен оның күйеуі электромобиль мінбейді, соған қарағанда өрт EQE-нің ішінен шыққан сияқты.

Автоөндіруші өкілдері тергеу жүріп жатқанда пікір білдіруден бас тартты. Бірақ бұған дейін Mercedes осы модельді аккумулятор басқару жүйесіндегі ақауға байланысты кері шықырыпты. Электромобиль иесіне жоғары вольтты жүйеде ақау шыққанын ескертпейді екен.