Авторевю ақпаратына сүйенсек, машина Mercedes-Benz EQC 400 4Matic кроссоверіне негізделген. Екі мотор бірлесе 408 ат күші мен 765 Нм айналу моментін береді. Тәуелсіз аспасы жаңа иінтірек, серіппе және амортизаторға ие болды.
Көлік клиренсі 153 мм-ге артқан. Кіру бұрышы — 31.8, ал шығу бұрышы — 33 градус. Темір тұлпар тереңдігі 400 мм өткелді еркін еңсереді. Машинаға көлемі 285/50 R20 Cooper Zeon шиналары орнатылған. Баяулататын берілісі жоқ, стандартты редукторлар.
Жолсыз жерде еркін қозғалу үшін машинаға Offroad және Offroad+ жүріс режимдері орнатылады. Дөңгелектің текке айналуына жол бермейтін электроника арнайы алгоритм бойынша жұмыс істейді. Алдыңғы дөңгелектердің бұрылу бұрышы да ауқымды.
Әзірше Mercedes-Benz EQC 4×4² жәй ғана прототип. Бірақ Mercedes-Benz G 500 4×4² моделінің де бастапқыда шоу үшін жасалып, артынша өндіріске жіберілгенін ескерсек, электромобильдің де жуық арада жарық көруі ғажап емес.
Комментариев: 0