Mercedes-Benz-тің флагмандық электрлі лифтбэгі ұзаққа шабады

Компания EQS-тің жаңарған нұсқасын көрсетті. Модельдің сырт келбеті аздап өзгерді, ал салонында ыңғайлы артқы орындықтар пайда болды, бірақ әлдеқайда маңызды жаңарту — жаңа батарея. EQS-тің жүріс қоры енді 800 шақырымға жетеді. Флагманның премьерасы Бейжіңде өтеді.

1 / 8

• 
• 
• 
• 
• 
• 
• 
• 

1 / 8

Дизайнерлер батареялы «мерседестің» радиатор торының орнындағы панель дизайнын өзгертті. Енді нүктелердің орнына көлденең жолақтармен безендіріліп, бренд логотипі капотқа көшті. Опция ретінде жүретін AMG Line пакетіндегі алдыңғы бампер EQS-тің стандарт жабдықтар тізіміне кіреді.

Артқы орындықтары 5 мм-ге қалың болды. Олар 27-36 градус аралығында реттеледі, бірақ қосымша ақыға екі градус қосуға болады. Опция ретінде жүретін пакетке ыңғайлы орындықтар, аяқ тірегуіш, орындықтың бірнеше бөлігін жылыту және алдыңғы орындықтардың артқы жарығы сияқты басқа да опция кіреді. Оң жақтағы жолаушы орындығын электрлі жетек арқылы алға жылжытып, бүктеуге болады.

1 / 8

• 
• 
• 
• 
• 
• 
• 
• 

1 / 8

Бұрынғы 108.4 кВт/сағ батареяның орнында 118 киловатты аккумулятор тұр. Жүріс қоры модификацияға байланысты 82 километрге өсті. Мысалы, толық жетекті EQS 450 қуаттамай 799 шақырымға дейін, ал 333 ат күші бар бір қозғалтқышты EQS 450 822 шақырым жүреді. Электромобильдің тіркемені сүйреу мүмкіндігі 750-ден 1700 келіге ұлғайды.

Жүргізуші көмекшілерінің жинағы жолақты автоматты ауыстыру функциясымен толықты. Енді EQS жолда баяу келе жатқан көлікті өзі айналып өте алады. Дегенмен бұл жүйе тек 80-140 шақырым аралығында және екі бағытта кемінде төрт жолақты тас жол болғанда ғана жұмыс істейді. Тежеуіш механизмі және рекуперация жақсарды.

Жаңарған Mercedes-Benz EQS-ке тапсырыс қабылдау 25 сәуірде, яғни Бейжіңдегі көрсетілімінен кейін ашылады. Бренд электрокар бағасы өзгермейді деп уәде берді. Мысалы, Германияда 109.5 мың еуродан (53.2 млн теңге) басталады.