Тағы бір алпауыт автоөндіруші ресейлік активтерінен арылып жатыр. Mercedes-Benz Мәскеу маңындағы зауытын сатады деген мәлімет бұрын тараған, ал қазір ресми расталды. «Коммерсантъ» таратқан ақпаратты Өнеркәсіп және сауда министрлігі растады.
Кәсіпорын, сервистік алаңдар мен кеңседен тұратын бірнеше ғимарат премиум автомобильдер сататын «Автодом» дилерінің меншігіне өтті. Ол дистрибьютор құқығына да ие болды. 2021 жылдың соңындағы есеп бойынша Mercedes-Benz-тің Ресейдегі активтері 2 млрд еуроға бағаланған, бірақ мәміле сомасы бір рубльді құрады деген болжам бар. Бұл елдегі басқа зауыттар да дәл солай сатылған.
Mercedes-Benz-тің Есиповодағы өндіріс алаңы 2019 жылы іске қосылды. Кәсіпорынның қауқары жылына 25 мың машина шығаруға жетеді. Жобаға сол кезде 19 млрд рубль көлемінде инвестиция құйылған еді.
Комментариев: 0