Mercedes-Benz компаниясы өзінің алғашқы сериялы электрлі короссоверін көпшілікке таныстырды. Ол EQ суббрендінің алғашқы үлгісі болып табылады. Марканың барлық электрмобильдері соның негізінде шығарылатын болады.
Өлшемдері бойынша ол GLC жол талғамайтын көлігіне жақын, бірақ 105 мм-ге ұзынырақ (4 761 мм) және 15 мм-ге төмендеу (1 624 мм). Көліктердің дөңгелектік базасы бірдей — 2 873 мм. EQC қос электрлі мотормен қозғалысқа түседі. Олардың жалпы берілісі 408 күш пен 765 Нм сәтін құрайды, бұл 2.4 тонналық кроссоверге 5.1 секундта жүзге дейін оталуға мүмкіндік береді. Көлемі 80 киловатт-сағаттық литий-ионды батареялар жинағының толық қуаты 450 шақырымды жүріп өтуге жетеді.
Жаңа көліктің салоны Mercedes-Benz маркасының басқа үлгілерінің стилінде жасалған. Дауыс арқылы басқару функциясына ие MBUX мультимедиалық кешенінің экраны аспаптар панелінің дисплейімен көршілес орналасқан. Егер рөлге мұқият көз салса, ондағы жапырақшаларды байқауға болады. Олар тежеу кезінде рекуперация (энергияны қайта алу) жүйесінің жұмыс режимдерін ауыстырып қосу үшін қажет. Мұнда олардың автоматтысынан ең жоғарғы тиімдісіне дейінгі жалпы саны бесеу. Соңғысында тежегіштерді қолданудың тіпті де керегі жоқ.
Mercedes-Benz EQC Бремендегі зауытта құрастырылатын болады. С-Class пен GLC де сонда жасалады. Автосалондарда кроссовер 2019 жылы пайда болады екен.
Комментариев: 0