Mercedes-Benz G-класс жаңарды: енді бәрі гибрид

Mercedes-Benz жол талғамайтын G-Class-тың жаңарған топтамасын көрсетті. Өткен демалыста премьераның алдында ескертусіз бір ғана тизер шығарды. Жаңа «Гелендвагеннің» мотор гаммасы өзгерді, енді тек жұмсақ гибрид болады. Көлік қуаттырақ және жылдамырақ болды және сұйық отынды азырақ тұтынады. Сыртқы келбеті аздап жаңарды, қолжетімді механикалық және мультимедиалық жабдықтардың жиынтығы кеңейді.

Капот астындағы өзгерістер

Компания премьера кезінде базалық нұсқаларда болатын дизельді және бензинді 3 литрлік мотор және AMG нұсқасына арналған ең қуатты қозғалтқышты көрсетті. Барлығында стартер-генератор болады, ол аз уақытқа 20 ат күшін (200 Нм) береді.

Бензинді Mercedes-Benz G 500-де V8 моторы болмайды және оның орнына 449 ат күшін (560 Нм) беретін 6 цилиндрлі қозғалтқыш орнатылады. Мотордың ауысқаны аздап қуат берді, бірақ алты цилиндрі мотордың тартым күші сәл аз. Ол алғашқы жүздікті 5.4 секундта еңсереді, максимал жылдамдығы 210 км/сағ және 8 цилиндрлі қозғалтқышы бар өткен G 500-ге қарағанда жарты секундқа жылдамырақ. Оған қарқын алуға электрлі мотор көмектесетіні анық.

Дизельді қозғалтқышы бар нұсқаның индексі G 450d болып өзгерді, ал оның қозғалтқышы 367 ат күшін (750 Нм) береді. Машина алғашқы жүздікті 5.8 секундта еңсереді.

Тек флагмандық AMG G 63 дәстүрлі моторын сақтап қалды. Агрегат бұрынғыдай 585 ат күшін және 850 Нм момент береді. Компания 4 литрлік V8-ге де электрлі модуль қосты, нәтижесінде жол талғамайтын көліктің динамикасы 0.2 секундқа жақсарды. G 63 алғашқы жүздікті 4.3 секундта еңсереді. Максимал жылдамдығы 220 км/сағ, бірақ қосымша ақыға шектеуішті 240 км/сағ-қа орнатуға болады.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Трансмиссия мен шасси өзгерді ме?

Автомобиль бұрынғыдай 9 сатылы автоматпен жабдықталады. Ол тарту күшін 40:60 қатынасында үлестіретін толық жетек жүйесімен, үлестіргіш қораппен және үш бұғаттағышпен үйлескен.

Жүргізу электроникасына бұғаттағыш іске қосылғанда жолсыз режимге автоматты ауысу мүмкіндігі қосылды. Үш түрлі режим бар: Trail, Rock және Sand. Екі 12.3 дюймдік дисплейі бар медиажүйенің жаңа функциялары да жол жоқ жерлерді еңсеруді жеңілдетуге арналған. Ол Offroad Cockpit пресетін алды. Бұл режимде ортаңғы экранда шанақ күйі мен дөңгелектің айналу бұрышы сияқты көрсеткіштер шығады. Сонымен қатар көлік «мөлдір капот» функциясымен жабдықталған.

Жүріс бөлігіндегі негізгі өзгеріс AMG нұсқасына тиесілі. Ол ерекше клапандармен және сорғымен бірыңғай гидравликалық жүйе арқылы байланысқан адаптивті амортизаторлары бар Active Ride Control аспасымен жабдықталды. Бұл амортизаторлардың қаттылығын өзгертуге, үдеу және тежеу кезінде шайқалуды, бұрылыста шанақтың қисаюын болдырмауға және жол жоқ жерде аспаны босатуға мүмкіндік береді. Мұндай жүйемен көлденең орнықтылық стабилизаторы қажет болмайды. Ең қуатты «Гелендвагенде» гидравлика болады, бірақ компания опция ретінде бұрыш қаттылығын реттеу мүмкіндігін ұсынады.

1 / 21

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 21

Шанағында өзгерістер бар ма?

Жаңарған G-класты ауа сорғыштары мен жақсарған бамперінен ажыратасыз. Бренд автомобильді жаңа радиатор торымен жабдықтап, аэродинамикасын аздап жақсартқан. Mercedes-Benz дизайнерлері 1979 жылғы танымал модельдің сырт келбетін түбегейлі өзгертпейтін сияқты. Бұл «Гелендвагенді» өз қолдарымен рестайлинг жасайтын әуесқойлар үшін де жақсы.

Дебюті жақындап қалған электрлі «геликтің» сырт пішіні сұйық отынмен жүретін модельдермен бірдей болады. Алдын ала мәліметтер бойынша батареялы нұсқада жеке басқарылатын төрт электрлі мотор орнатылады.

Жаңарған Mercedes-Benz G-кластың саудаға шығатын күні әлі белгісіз. Дегенмен компания бастапқы бағасын жария етті. Германияда жаңа өнім кем дегенде 122 808 еуро (қазіргі бағам бойынша 60.1 млн теңге) тұрады.