Mercedes-Benz EQT Concept — бұл үшінші буындағы Renault Kangoo-дың қарапайым нұсқасы. Француздық тамырын шанақ пішінінен ғана емес, салондағы алдыңғы панельдің формасынан да көруге болады.
Жуырда жарық көретін Kangoo E-Tech Electric секілді, бұның да капотының астына 102 ат күші мен 245 Нм момент беретін электромотор мен сыйымдылығы 45 киловатт-сағат болатын батарея орнатылады. Жүріс қоры 265 шақырымға жетеді. Екі машина да Францияда, бір зауытта шығарылады. Дегенмен неміс көлігі бала-шағасы бар отбасы мен белсенді демалысты ұнататын адамдарға арналған. Сол үшін де көліктің жүк салатын бөлігінде электроскейт тұратын арнайы орын бар.
EQT Concept моделінің сериялы нұсқасы жыл соңында көрсетіледі. Ең алдымен нарыққа Citan деп аталатын іштен жанатын қозғалтқышы бар шағын фургон, кейін оның электрлі баламасы (eCitan) шығады. Ал 2022 жылы жолаушы тасымалдайтын 5 және 7 орынды T-Class/EQT жарық көреді.
Комментариев: 0