Mercedes-Benz EQS бір жылда екі есе арзандайды

Сатып алғаннан кейін бағасы ең жылдам арзандаған автомобиль — Mercedes-Benz-тің премиум электрокары. Бір жыл ішінде шамамен 50 % немесе 65 000 долларға құнсызданады. iSeeCars агенттігі АҚШ-тағы жаңа және ескі көліктер нарығын талдағаннан кейін осындай қорытындыға келді. Сатып алғаннан кейін бір жылдан соң арзандап қана қоймай, бағасы біршама өскен модель де бар.

1 / 10

Mercedes-Benz EQS

1 / 10

EQS-тен бөлек, бағасы жылдам түсетін 10 модельдің қатарына төрт электрокар кірді: Nissan Leaf, Kia EV6, Ioniq 5 және Volkswagen ID.4. Олар бір жылда өз бағасынан кем дегенде үштен бірін жоғалтады, ал Leaf-ті бағаның төмендеуі бойынша антирейтингтегі көшбасшымен салыстыруға болады. Бір жылдан кейін жапондық көлік 45 %-ға немесе 16 мың долларға қолжетімді болады.

Орын	Модель	Екінші нарықтағы орташа бағасы (долл.)	Айырмашылық (%)
1	Mercedes EQS	71 231	–47.8
2	Nissan Leaf	18 756	–45.7
3	Jaguar F-Pace	52 010	–35.4
4	Alfa Romeo Giulia	32 467	–33.4
5	Kia EV6	36 243	–33.4
6	Hyundai Ioniq 5	34 303	–32.9
7	VW ID.4	31 870	–32.9
8	Alfa Romeo Stelvio	36 630	–32.3
9	Nissan Murano	29 458	–32
10	Mercedes S-Class	99 598	–31.5

Дәстүрлі моторы бар модельдерге Jaguar F-Pace, Alfa Romeo Giulia және Stelvio, Nissan Murano кірді. Доллармен есептесек, EQS иелерінен кейін, басқа «мерседес» иелерінің жағдайы мәз емес. Флагмандық S-Class-тың құны бір жыл ішінде шамамен 45 мың долларға төмендейді. Тізімнің басым көпшілігі электромобиль мен премиум автомобильден тұрады.

Сарапшылар бұл тенденцияның себебін түсіндірмеді, тек бұл электромобиль сатып алуды жоспарлап жүргендердің ақшасын айтарлықтай үнемдейтінін айтады. Екінші нарықтағы жағдайдан жаңа көлік саудасында не болып жатқанын көруге болады: бірқатар өндіруші сұраныстың төмендеуіне байланысты батареялы модельдердің бағасын түсірді.

Бағасы ақырын төмендейтін модельдер тізімінде Range Rover көш бастады, оның бағасы түспейді, тіпті аздап өседі. Орта есеппен бір жылдық «рейндж» АҚШ-та жаңасынан 3 % қымбатырақ немесе 147 мың долларға сатылады. Kia Rio, Mercedes-Benz G-Class және Ford Maverick те арзандамайды.

АҚШ нарығында орта есеппен сатып алғаннан кейін бір жыл өткен соң автомобиль 13 %-ға немесе 5.8 мың долларға құнын жоғалтады.

Комментариев: 0