Mercedes-Benz CLE купесінің AMG түрленімі болады

Осы жылдың жазында көрсетілген Mercedes-Benz CLE AMG-дің алғашқы қуатты модификациясы шықты. 53 индексті модель 48 вольтты гибрид қондырмамен жұптасқан 3 литрлік алты цилиндрлі мотормен жабдықталды. Жаңа өнімнің саудаға қашан шығатыны белгісіз.

1 / 11

• 
• 
• 
• 
• 
• 
• 
• 
• 
• 
• 

1 / 11

AMG CLE 53-тің алты цилиндрлі моторы осындай индексі бар басқа модельдерден таныс. Мысалы, төмен жылдамдықта негізгі үрлем жүйесіне көмектесетін электрлі айдауышпен ерекшеленеді. Купенің қозғалтқышы 449 ат күшін (560 Нм) береді, бірақ тартым күшін 600 Нм-ге дейін 12 секундқа арттыруға мүмкіндік бар. Қосымша 23 ат күшін (205 Нм) қысқа уақытқа 9 сатылы беріліс қорабының корпусындағы стартер-генератор арқылы алуға болады.

AMG CLE 53 алғашқы жүздікті 4.2 секундта еңсереді. Жаңа модельдің максимал жылдамдығы 250 шақырымға дейін шектелген, бірақ ақысын төлесеңіз, 270-ке дейін өзгертіп береді.

Гран-турерге ось арасындағы тартым күшін автоматты түрде тарататын толық жетекті жүйе орнатады. Электроника алдыңғы осьті толығымен өшіре алады, мысалы, тұрақты қозғалыс кезінде немесе дрифт режимін қосқанда CLE артқы жетекті болады. AMG CLE 53 базалық нұсқасы да бейімді амортизаторлармен және толық басқарылатын шассимен жабдықталады.

100 шақырымға дейінгі жылдамдықта артқы дөңгелегі алдыңғы дөңгелекке қарсы бағытта 2.7 градусқа дейін бұрыла алады, бұл купені епті етеді және кері бұрылыс радиусын азайтады. Жылдамдық жүзден асқанда дөңгелектер бір бағытта бұрылып, бұрылысы 0.7 градусқа шектеледі. Бұл көлікке тұрақтылық береді.

Mercedes-AMG CLE 53-те бес жүргізу режимін таңдау жүйесі бар. Олар қозғалтқыштың, қораптың, аспаның, рөлдік басқарудың және тұрақтылық жүйелерінің әрекетін өзгертеді, кейбір параметрлерді жеке реттеуге болады.

1 / 5

• 
• 
• 
• 
• 

1 / 5

AMG модификациясын стандарт CLE-ден тік ламелі бар радиатор торынан, сәл агрессивті алдыңғы бамперінен және 19 дюймдік дөңгелектері бар кеңейген дөңгелек аркасынан танисыз. 20 дюймдік дөңгелек, үлкенірек артқы диффузор және спойлер, сондай-ақ әртүрлі дефлектор опция ретінде қолжетімді. Салонға спорттық орындық, фирмалық рөл және карбон әрлеуі, ал медиажүйесінде арнайы AMG графикасын орнатады.

Mercedes-Benz CLE C және E класындағы купе мен кабриолетті алмастырады. Компания стандарт модификация үшін 204-381 ат күшін беретін 4 және 6 цилиндрлі мотор нұсқаларын ұсынады, бірақ кейбір нұсқаларды белгілі бір аймақта ғана алуға мүмкіндік бар.