Mercedes-AMG PureSpeed ​​спидстерінің сипаттамасы белгілі болды

Mercedes-AMG Формула-1 жарысының Абу-Даби Гран-приі аясында PureSpeed ​​спидстерінің сериялы нұсқасын таныстырды. Марка Mythos топтамасының алғашқы моделін көктемде концепт түрінде көрсеткен, енді техникалық сипаттамасын жариялады. Одан спидстер платформа донорынан шанақ дизайны және өзгеше интерьерімен ғана ерекшеленетіні байқалады.

Mercedes-AMG PureSpeed ​​AMG SL 63 кабриолетіне негізделген. Спидстер 585 ат күшіне ие (800 Нм) 4 литрлік V8 моторымен жүреді, ол 9 сатылы автомат қорап және толық жетекті жүйемен жұмыс істейді. Жаңа өнім алғашқы жүздікті 3.6 секундта еңсереді, ең жоғары жылдамдығы — 315 км/сағ.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Суперкардың стандарт жабдықтар тізімінде Active Ride Control аспасы, артқы дөңгелекті басқару, композитті тежеуіш және 21 дюймдік дөңгелек дискісі бар.

Mercedes-AMG PureSpeed-тің ​​қазіргі «мерседестерге» дизайны ғана емес, концепциясы да ұқсамайды. Ол алдыңғы әйнегі мен төбесі жоқ спидстер. Жолаушыларды Формула-1 болидтерінің Halo жүйесі стилінде жасалған әрі шанақпен біріккен мықты көлденең тұғыр қорғайды.

Кресло артындағы екі «дөңес» 1955 жылы Mille Miglia жарысында топ жарған классикалық Mercedes-Benz 300 SLR-ді еске салады, ал қызыл шанақ түсі осыдан бір ғасыр бұрын Targa Florio жарысында жеңіске жеткен автомобильге арналған.

1 / 6

• 
• 
• 
• 
• 
• 

1 / 6

Спидстердің салоны SL 63-тің интерьер архитектурасын сақтап қалды, тек артқы диван жоқ. Басты жаңалық — IWC Schaffhausen хронометрі. Марка оны PureSpeed ​​үшін арнайы әзірлеп, алдыңғы панельге орнатқан.

Компания PureSpeed ​​бағасын жариялаған жоқ, бірақ қанша тиражбен шығатыны белгілі. «Мерседес» барлық сериялы экземплярды коллекторлар алатынына сенімді, оларға эксклюзив модельдің бағасы маңызды емес. Марка машинаны кем дегенде миллион долларға сатуы мүмкін.