Mercedes-AMG GT 63-тің Pro нұсқасы шықты

Былтыр жазда буын алмастырған Mercedes-AMG GT Гудвудтағы жылдамдық фестивалінде қосыша Pro атауымен шықты. Екі есікті көліктің толық атауы — Mercedes-AMG GT 63 Pro 4Matic+ және ол жарыс трассасында жарысуды ұнататындарға арналған.

1 / 11

• 
• 
• 
• 
• 
• 
• 
• 
• 
• 
• 

1 / 11

Стандарт GT 63-пен салыстырғанда көліктің қуаты артқан. 4 литрлі V8 турбомоторы енді 611 ат күшін (+26 ат күші) және 849 Нм (+50 Нм) момент береді. Спорткар алғашқы жүздікті жарты секундқа жылдамырақ (3.1 секунд) еңсереді. Максимал жылдамдығы — 317 км/сағ.

Көлік жаңа ауа өткізгіштері, дефлекторлары және артқы бөлігіндегі карбон антиқанаты бар аэродинамикалық пакетпен жабдықталып, салқындату жүйесі жақсарды. Инженерлер қозғалтқыш үшін жоғары өнімді радиатор орнатты, ал екі дифференциал жеке сорғысы бар жылуалмастырғыш алды.

Mercedes-AMG GT 63 Pro 4Matic+ 6-поршеньді суппорттары бар 16.5 дюймдік карбон-керамикалы дискілермен тежейді. Спорткардың 21 дюймдік дөңгелектері Michelin Pilot Sport 5 шинасымен қапталған, ал клиенттің қалауы бойынша Pilot Sport Cup 2 R шинасын тегін орнату мүмкіндігі бар.

Автомобильдің құны әлі жарияланбады, бірақ ол АҚШ-та 136 мың доллар тұратын толық жетекті стандарт Mercedes-AMG GT 63-тен әлдеқайда қымбат болады.