Mengshi M-Hero сәнді гибридке айналады

Алғашқыда әскери жол талғамайтын көлік шығарған Dongfeng концернінің Menghsi («Жауынгер») бренді өткен жылы M-Hero 917 супергибриді пайда болған кезде жаңа бағыт алды. Енді Қытайда сертификат алған M800 индексті екінші M-Hero моделі туралы кейбір мәлімет белгілі болды, ол ірі және сәнді болады.

M800 дизайны қырлы стильде жасалған, бірақ айырмашылықтары бар. Мысалы, жаңа өнімде радиатор торы сәл кішірек және асылмасы үлкен, ал дөңгелек аркасы басқаша жасалған, шатырында дрон қонатын алаңша бар.

Жаңа өнімнің өлшемі — 5136×2172×2063 мм. M-Hero 917-ден шамамен 200 мм ұзын, бірақ дөңгелек базасы бірдей — 2950 мм. Автомобиль тек төрт орынды, осылайша базалық нұсқасы неғұрлым кең және ыңғайлы болуы керек. Қытайда мұндай көлік негізінен жеке жүргізушісі бар адамдарға арналған.

Машина 197 ат күшін беретін бір жарым литрлік мотормен жабдықталатыны ғана мәлім. Ол электр энергиясын өндіруге арналғандықтан дөңгелектермен тікелей байланысы болмайды. Автомобиль M-Hero 917-нің 816 ат күшіне ие қозғалтқышын алады, ол алғашқы жүздікті шамамен 6 секундта еңсеруге мүмкіндік береді.

Қарашаның аяғында M-Hero Ресей нарығына ресми түрде шығады. Көлік сатылымға шығатынын электрокар мен гибрид сататын Voyah компаниясы хабарлады. Бренд клиенттеріне толығымен басқарылатын шасси, сәнді интерьер және үздік комплектация ұсынады, бірақ құны әлі нақтыланбады.