Құжатқа сәйкес, жүк-жолаушы тасымалдайтын автомобиль-фургондар мен жарыс автомобильдерін қоса алғанда, негізінен адамдарды тасымалдауға арналған жеңіл автомобильдер және өзге де моторлы көлік құралдарын (8702 тауарлық позициядағы моторлы көлік құралдарынан басқа) «Атамекен» ҚР Кәсіпкерлерінің ұлттық палатасы берген тиісті индустриалды сертификаты бар жеткізушілерден алу керек болады. Ал бұл сертификат тек Отандық тауар өндірушілер реестріне енген кәсіпорындарға ғана рәсімделеді.
Бұйрықтың түсіндірмесінде түзетулердің «ішкі нарықты қорғау және отандық жеңіл көліктер өндірісінің көлемін арттыру, сонымен қатар, отандық көлік өндірісін дамытуды ынталандыру және кәсіпорындардың өндірістік жүктемесін арттыру мақсатында» енгізілетіні айтылады.
Естеріңізге сала кетейік, біраз уақыт бұрын ҚР үкіметі импорттық автокөліктерді ел қаржысына сатып алуға екі жылға дейін тыйым салған болатын.
Комментариев: 0