Mazda Қытайда EZ-6 лифтбегіне тапсырыс қабылдай бастады

Mazda танымал Mazda6-ның ізбасары ретінде Қытай нарығына арнап Changan-мен бірге жасаған EZ-6 лифтбегіне алдын ала тапсырыс қабылдап жатыр. Марка модельді көктемде таныстырған, енді сипаттамасы мен бағасын жариялады. Жаңа өнім 160–200 мың юань (11–13.6 млн теңге) тұрады.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Mazda EZ-6 Deepal SL03 платформасына негізделген, бірақ дизайны өзгеше әрі өлшемі үлкен болады. Жаңа өнімнің өлшемі — 4921×1890×1485 мм, дөңгелек базасы — 2895 мм. Лифтбек былғары және алькантарамен қапталған салон, 14.6 дюймдік ортаңғы экран мен 50 дюймдік проекциясы бар Snapdragon 8155 чипіне негізделген медиажүйе, панорамалы шатыр және 14 динамигі бар Sony аудиожүйесімен жабдықталған. Сондай-ақ электронды көмекшілер жинағы мен артқы спойлері бар.

Модельдің толық электрлі нұсқасы артқы осьтегі 258 ат күшіне ие мотормен жүреді. Сыйымдылығы 56.1 немесе 68.8 кВт·сағ болатын екі түрлі батареясы бар. Олардың жүріс қоры сәйкесінше — 480 немесе 600 км. Аккумуляторды 15 минутта 30 %-дан 80 %-ға дейін қуаттауға болады.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Гибрид қуаты азырақ (218 ат күші) электромотор көмегімен қозғалады, ал жүріс қоры 1.3 мың шақырымға жетеді. Батарея 95 ат күшіне ие 1.5 литрлік іштен жанатын қозғалтқыштан қуат алады. Ол болмаса бензин-электрлі EZ-6 батареясына байланысты 130–200 км жол жүреді. Сипаттамаға қарағанда, Mazda EZ-6 күштік құрылымын Deepal SL03-тен алған.

Тұсаукесер кезінде Mazda жаңа өнімін Қытайдан өзге елде де сатуға ниетті екені белгілі болды. EZ-6-ның экспортқа шығатын нұсқасы Mazda6 деп аталуы мүмкін.