Mazda ірі CX-80 кроссоверін көрсетті

Mazda жаңа платформадағы кроссовер топтамасын қалыптастыруды аяқтады. Компания Еуропаға арналған CX-60, сондай-ақ АҚШ нарығы үшін CX-70 және CX-90 модельдерінің артынан CX-80 индексті төртінші моделін ұсынды. Ол Mazda кроссоверлерінің арасындағы үздігі болады. Салоны алты немесе жеті орынды және екі түрлі күштік құрылыммен сатылады. Биыл күзде саудаға шығады.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Mazda CX-80 бір платформадағы CX-60-тан шамамен ширек метрге үлкен. Ұзындығы — 4995 мм, дөңгелек базасы — 3120 мм. Жаңа өнімнің алды топтамадағы көліктермен бірдей, бірақ арты өзіндік дизайнмен, артқы тіректермен, спойлермен және терезелердің айналасындағы хроммен ерекшеленеді. Жүксалғыш көлемі — 258-1971 литр.

Дизайнерлер интерьердегі жүргізуші бөлігін тікелей CX-60-тан алған. Кроссовердің бірегей әрлеуі бар алдыңғы панелі, ортаңғы тоннелі, рөлі және 12.3 дюймдік экраны бірдей. Бірінші болып екінші қатардағы орындықтары бөлек 6 орынды нұсқасы шығады, оған қосымша шағын заттар мен стақан қойғышы бар консоль қосуға болады. Оны шынтақ тіреуіш ретінде пайдалануға болады. Екінші қатардағы орындықтар 120 мм ауқымда бойлай қозғалады.

1 / 7

• 
• 
• 
• 
• 
• 
• 

1 / 7

Көне құрлықтағы ең арзан Mazda CX-80 254 ат күші (550 Нм) бар 3.3 литрлік дизель негізіндегі жұмсақ гибридті алады және стартер-генератор 16 ат күшін (153 Нм) қосады. Кроссовер алғашқы жүздікті 8.4 секундта еңсереді, максимал жылдамдығы — 219 км/сағ. Гибрид нұсқа әлдеқайда жылдам: алғашқы жүздікті 6.8 секундта еңсереді, бірақ максимал жылдамдығы небәрі 195 км/сағ. Ол 327 ат күшін және 500 Нм момент беретін 2.5 литрлік бензинді мотор мен электрлі қозғалтқышпен үйлесіп жұмыс істейді. Электр қуатымен мұндай көлік 63 шақырым жүреді.

Компания екі нұсқаға да 8 сатылы автомат және басымдылығы артқы оське бағытталған толық жетекті жүйе орнатады, бірақ кейбір нарықтарға қарапайым артқы жетекті нұсқада шығады.

Еуропадан бөлек, CX-80 Жапония мен Аустралияда сатылады, бұл елдерде көлікті алты цилиндрі бензинді мотормен алуға болады. Қытайда компания премьераға EZ индексті электромобильдің жаңа топтамасын дайындап жатыр. Алдымен Changan-мен бірлесіп жасалған седан мен кроссовер кіреді.