Инфекциялық аурухана ауқымды, жедел жәрдем кіріп-шығатын жолы мен көлік тұрағы кең болуы тиіс, сонымен қатар медицина қызметкерлеріне арналған бөлмелері көп және залалсыздандыру ыңғайлы болуы қажет. Бұл талаптарға «Москва» толық сай келеді.
РБК хабарлағандай, басшылық жалға алушыларға ескертпестен ғимаратты босатуды сұрапты. «Ведомости» баспасы орталықты қайта жабдықтау жұмыстарының басталғанын, ғимарат ішіне жұмысшылар келіп, жедел жәрдем көліктері кіріп жатқанын жазды. Ресей астанасындағы шұғыл штаб өкілі нақты шешім әлі қабылданбағанын айтты.
«Москва» автокөлік орталығы 2004 жылы ашылған. Сауда орталығы көлік сатушыларға орын жалға берумен айналысады. Мұнда ресми дилерден жаңа көлік алуға да, ұсталған көлік сатып алуға да болады. Кешеннің аумағы 110 мың шаршы метрді құрайды. Одан бөлек, кешен аумағында автосервис, бөлшек сататын дүкендер мен көлік жуатын орындар бар.
28 сәуір күнгі мәліметтерге сүйенсек, Мәскеуде коронавирус індетіне шалдыққан 48 426 науқас тіркелген, 546 адам көз жұмды. Соңғы тәулікте 3 075 адамның вирус жұқтырғаны анықталған.
Комментариев: 0