Көрші ел астанасындағы Малая Дмитровка, Малая Бронная, Большая Никитская және Варварка көшелерінде көлік 30 км/сағ жылдамдықта ғана қозғала алады. Мұны жергілікті көлік департаменті хабарлады. Бұған дейін мұнда жүргізушілердің сағатына 60 шақырым жылдамдықта жүруіне рұқсат берілген.
Осылайша Мәскеу билігі Еуропадағы әріптестерінен үлгі алып отыр. Мысалы, Парижде жылдамдық шегі күрт өзгертілген болатын. Бұл тәжірибе біздің елдегі қоғам белсенділеріне де ұнағанын айта кеткен жөн. Жуырда экологияны желеу еткен Германия тұрғындары автобанда жылдамдықты 130 км-ден асырмауды талап етті және бұл идеяны халықтың 60 %-ы қолдады.
Қызығы сол, Мәскеу билігі қулыққа барған, өйткені аталған көшелерде жылдамдық 23 км/сағ шегінен асқан емес. Сондықтан бұған қарсы шығатындар болмайтыны анық.
Комментариев: 0