«Москвич 3» кроссовері сатыла бастаған сәттен қаңтардың аяғына дейін бар болғаны 35 көлік өтті деп хабарлайды «Российская газета». Демек Ресейде мұндай машинаның күніне бір данасы ғана сатылған. Зауыт 2023 жылы 50 мың автомобиль саудалауды жоспарлап отыр.
Мәскеудегі бұрынғы Renault зауытында шығатын «Москвич» өндірісі 23 қарашада басталып, көліктер ел астанасындағы дилерлерге жетоқсанның аяғында жеткен. Сол кезде зауыт қалада 11 орталықтан тұратын дилерлік желі құрылғанын жариялады.
«Москвич» желтоқсанда бес, қаңтарда 29 машина сатты, оның бесеуі ғана электромотормен жүреді. Электрокардың мұнша аз өтуіне бағасы әсер етті, Ресейде «Москвич 3е» 3.5 млн рубльге бағаланып отыр, ал бензинді нұсқасы 1.97 млн рубль тұрады. Оның 150 ат күшіне ие 1.5 литрлік турбомоторы механика немесе вариатормен жұмыс істейді.
Зауыт басшылары Ресейдің әр аймағында дилерлік орталық ашу арқылы көлік сатылымын көбейтуді көздеп отыр. «Москвич» елдің 23 ірі қаласында 52 өкілдігін ашады.
«Москвичтің» түпнұсқасы саналатын бензинді JAC JS4 Қазақстанда 2022 жылғы қарашадан бері сатылып жатыр. Былтыр желтоқсанның өзінде 120 данасы өтті. Бұл көрші елдегі көрсеткіштен әлдеқайда көп.
Комментариев: 0