2016 жылы Tesla Model 3 үлгісін көпшілікке таныстырған Илон Маск оның ең арзан электромобиль екенін айтқан болатын. Сол кезде тіпті бағасын да жасырмай, 35 мың доллар деген еді. Алайда сатылым басталған сәтте мұндай соманың иісі де сезілмеді.
Енді міне, үш жыл өткеннен кейін компания дәл сол нұсқаның сатыла бастағанын хабарлады. Standart деп аталатын үлгінің құны 35 000 доллар. Бұл америкалық билік ұсынатын жеңілдіктерге дейінгі баға. Мұнда сөз 3.7 мың доллар көлеміндегі салық шегерісі мен Tesla өкілдерінің айтуынша, көлік отыны мен қызмет көрсетуде үнемделетін 4.3 мың жайлы болып отыр.
Осы ретте көліктің тіпті бос екенін айта кеткен жөн. Расымен де мұнда былғары салон және электрлі орындық пен рөлді реттегіш жоқ, бірақ заманауи мультимедиалық кешен, навигация мен жақсы аудиосистема өз орнында қалыпты. Оның үстіне артқы жетекті электромобиль қуаттаусыз 354 шақырымды артқа тастап, жүзге дейін 5.6 секундта оталуға қауқарлы.
Комментариев: 0