Оқиға 5 маусым күні шамамен 20:20-да болды. Алматы ПД баспасөз қызметі хабарлағандай, Жамбыл облысында тіркелген ВАЗ-21099 тізгіндеген 24 жастағы жүргізуші Райымбек даңғылымен батысқа қарай бара жатып, аялдама жанында тұрған үш жаяу жүргіншіні қағып кетті. Түрлі деңгейде жарақат алған үш адам ауруханаға жеткізілді. Сараптама жол апаты кезінде жүргізушінің алкогольдік және есірткілік мас күйінде болғанын көрсетті.
Жолда такси ұстап тұрған адамдар мас жүргізушінің жолына шығып кеткен көрінеді. Азаматтар осы аймақта күн сайын жолда тізіліп такси күтіп тұрады, олар бірінші, кейде тіпті екінші жолаққа шығып алады. Бұл жағдай жүргізушілер үшін таңсық емес, бірақ полицейлер тәртіпке келтіруге асығар емес.
Зардап шеккендердің екеуі облыстық емханаға жеткізілді, біреуі № 7 Қалалық клиникалық ауруханада жатыр. Оның білегі сынып, жабық бассүйек-ми жарақатын алған. Қазір емханада дәрігерлердің бақылауында, жағдайы ауыр, — деп хабарлады Алматы қаласы Қоғамдық денсаулық сақтау басқармасының баспасөз қызметі.
Іске қатысты Қылмыстық кодекстің 345-1 бабы 2-бөлігі бойынша сотқа дейінгі тергеу басталды («Алкогольдік, есірткілік және (немесе) уытқұмарлық масаң күйде көлік құралдарын басқарған адамның жол жүрісі немесе көлік құралдарын пайдалану қағидаларын бұзуы»). Күдікті Алматыдағы уақытша ұстау изоляторына қамалды. Оған 1000 АЕК-ке дейін айыппұл салынады немесе сол мөлшерде түзеу жұмыстарына не 400 сағатқа дейінгі қоғамдық жұмыстарға тартылады, не бір жылға дейінгі мерзімге бас бостандығын шектейді немесе сол мерзімге бас бостандығынан айыру жазасына кесіледі. 10 жылға көлік жүргізу құқығынан айырылады.
Комментариев: 0