Әкімшілік қамауға алу және жеті жыл жүргізуші куәлігінен айыру сияқты қатаң жауапкершілік жүргізушілерді мас күйінде көлік жүргізуден тоқтатпайтын сияқты. 15 шілдеде министрлік жарты жылдық жұмысының қорытындысын шығарып, статистиканы көрсетті.
Қаңтардың басынан маусымның аяғына дейін полицейлер шамамен 12 мың мас жүргізушіні жауапкершілікке тартқан. Бұл санның өзі аз емес. Бас прокуратураның құқықтық статистика және арнайы есепке алу жөніндегі комитетінің мәліметінше былтыр Әкімшілік кодекстің 608-бабы бойынша алты ай ішінде 10.3 мыңнан астам құқық бұзушылық тіркелген. Яғни, 2024 жылы 16.1 % өскен.
Биыл сәуірде депутаттар мас күйде көлік жүргізгені үшін жазаны жеңілдетуді сұрап, оны тым қатаң деді. Құқық бұзушылық алғаш рет жасалса үлкен айыппұл салып, қайталап бұзған жағдайда ғана жүргізуші куәлігін алуды ұсынған. Ішкі істер министрінің орынбасары Игорь Лепёха мәжілісмендердің пікірімен келіспеді.
Ішкі істер министрлігі «Қорғау» бағдарламалық жасақтамасының нәтижесіне назар аударды, ол нақты уақыт режимінде көлікті тексеруге және құқық бұзғандарды іздеуге мүмкіндік береді. Алты айда жүйе арқылы 20 мыңнан астам әкімшілік құқық бұзушылық анықталды, айып тұрағына шамамен 9 мың көлік жіберілді және жалған нөмір таққан 173 көлік табылды.
Комментариев: 0