Mansory ұсынған жаңа G-Class

Ерекше жобаларымен танымал болған Mansory тюнинг-ательесі жаңа өнімін таныстырды. Жол талғамайтын көлік Mercedes-AMG G63 4×4² негізінде жасалған. Жаңасын фирмалық бастырықпен жабдықтап, қуатын арттырды.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Gronos 4×4-тің сырт пішінін ерекше деп айтуға келмейді, себебі карбон бастырықтың элементтері топтамадағы басқа көліктердің сұлбасын қайталайды. 22 дюймдік жол талғамайтын шина (325/55 R22), төбедегі қуатты жарықдиодты шамы бар қондырма және артқы бампер астындағы темір қорғаныс жаңадан пайда болды.

Салонды Mansory жобаларына тән қымбат былғарымен қаптап, карбон элементпен толықтырды. Интерьеріне келсек, ол ақ және көк түстердің қосындысынан жасалған, бірақ әр клиент өзі қалаған түсті, материалды таңдай алады.

1 / 8

• 
• 
• 
• 
• 
• 
• 
• 

1 / 8

Капот астында қос үрлемді 4 литрлік V8 орналасқан. Көліктің қуаты артып, 850 а.к. және 1000 Нм болды. Борттық редукторы бар және ірі дөңгелек орнатқан көлік алғашқы жүздікті 4.5 секундта еңсереді. Жоғары жылдамдығы сағатына 210 шақырымнан аспайды.

Ателье Gronos 4×4-тің он данасын ғана шығарады. Бағасы әзірге белгісіз.