Mansory каталогына мопед қосылды

Mansory өнімдері туралы сөз болғанда, әдетте Mercedes-Benz, Porsche, Rolls-Royce және басқа төрт дөңгелекті люкс еске түседі, бірақ ателье тарихында гольфкар, багги, мотоцикл және гидроцикл сияқты жобалар да болған, бұл жолы шеберлердің қолына Vespa Elettrica скутері түсті.

Компания жаңа өнімін Monaco Edition деп атап, әрлеу үшін сол елге тән ұлттық түстерді қолданған. Қызығы, 2012 жылы үш данасы шыққан Ferrari 458 Spider-дің айрықша нұсқасы дәл солай аталды. Ал мопед саны – 99.

Басқа жобалардан айырмашылығы, Vespa Elettrica-ның көп бөлігі тек сырттай өзгерді. Скутер қолдан жасалған жаңа отырғыш, алдыңғы қанат және бірқатар карбон элемент алды. Мамандар ателье логотипін де көптеп қосқан.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Elettrica техникасын сақтап қалды. Яғни, модель 3.5 киловаттық мотормен жүреді. Шағын батарея жүріс қорының 100 км-ге жетуіне көмектеседі. Жылдамдығы сағатына 70 шақырымнан аспайды.

Vespa Elettrica Monaco Edition-ның бағасы әзірше белгісіз. Дегенмен, арзан болмайтыны анық. Өйткені Еуропада базалық мопедтің өзі кем дегенде 8 000 доллар тұрады.