Mansory «Гелендвагенді» 24 карат алтынмен аптады

Экстравагантты жобаларымен танымал Mansory тюнинг-ательесі P900 EWB Gold Edition деп аталатын жаңа жұмысының суретін жариялады. Бұл атау машинаның барлық артықшылығынан хабар беріп тұр: ол алтынмен апталған әрі 900 ат күшіне ие мотормен жүретін G-Class дегенді білдіреді

Жоба Mercedes-AMG G 63-ке негізделген. Дөңгелек базасы 20 сантиметр ұзарып, интерьердің артқы жартысы толық өзгерді. Онда жаңа ортаңғы консольмен бөлінген өте ыңғайлы екі кресло бар. Салон ашық және қоңыр түсті былғарымен, карбон жапсырмамен әрленген.

1 / 7

• 
• 
• 
• 
• 
• 
• 

1 / 7

Тюнерлер шанағын ұзартумен қатар, артқы есігін кері бағытта ашылатын етіп жасады. Mansory мұндай есік салонға кіруді жеңілдетеді деп санайды. Сондай-ақ Гелендвагенді P900 Desert Sand Performance сияқты жаңа аэродинамикалық бастырықпен жабдықтады.

Мамандар стандарт AMG G 63 моторының қуатын 900 ат күші мен 1200 Нм-ге арттырды. Ателье жол талғамайтын көлік қазір алғашқы жүздікті 3.3 секундта еңсеретінін есептеді, бірақ ең жоғары жылдамдығы (250 км/сағ) өзгеріссіз қалды.

Жол талғамайтын көліктегі ақпараттық тақтайша мен жазуларға қарап машинаның жалғыз данасы ғана болатынын білуге болады. Mansory бұл жобаны қайталауды жоспарлап отырған жоқ