Mansory G-Class-қа артқа ашылатын есік орнатты

Mansory тюнинг-ательесінің премиум көліктерді әрлеуде өзіндік стилі бар. Шеберлер кезекті жобасында агрессивті бастырық немесе қызықты салонмен емес, ерекше есікпен таңғалдырды.

Дәлірек айтқанда машинаның есігі артқа қарай ашылады. Енді кез келген G-Class-қа тюнинг жасатқанда клиент артқы есіктің қалай ашылатынын таңдай алады. Компания өкілдерінің айтуынша кері бағытта ашылатын есік геликке сән беріп қана қоймай, жолаушылардың мініп-түсуіне ыңғайлы болады.

Мұндай есік тауда және батпақта жүргенде жүргізушіге пайдалы, өйткені алдыңғы дөңгелектің астын тексергенде терезеден мойнын созғаннан гөрі есікті ашып қараған әлдеқайда ыңғайлы.

Мұның бағасы қанша болатыны белгісіз, бірақ Mansory компаниясының бұрынғы жұмыстарының құнына қарасақ, клиенттеріне ауыр тимеуі мүмкін.