Mansory Формула-1 пилотына арнап эксклюзив Lamborghini жасады

Mansory ательесі ерекше жобасын таныстырды. Haas командасының мүшесі Эстебан Окон тюнерлер өңдеген Lamborghini Revuelto суперкарының иесі атанды, ал Mansory пилоттың шлеміне жарнама орналастырады. Жобаның бағасы әдеттегідей құпия болып қалды.

Mansory Оконға арналған Revuelto-ны баламасы жоқ бірегей машина деп сипаттап отыр. Бірақ ол ательенің Lamborghini супергибридтерін әрлеуге арналған алғашқы жобасы Initiate бағдарламасының бір бөлігі саналады. Бұл экземпляр өзгеше түсімен ерекшеленеді: шанағы карбоннан бөлек, қызыл градиентпен әрленген. Суперкардың салоны да дәл осындай түспен қапталған, бірақ ателье суретін жариялаған жоқ.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Initiate бағдарламасында шеберлер Revuelto-ның көптеген шанақ деталін көміртекті пластик материалға ауыстырады. Суперкар агрессивті алдыңғы бампер, ауатартқышы бар капот, үлкен табалдырық және ірі диффузор алады. Mansory суперкардың дөңгелек дискісін де ауыстырған — алдында 21 дюймдік, артында 22 дюймдік диск тұр.

Initiate жобасында ателье күштік құрылым қуатын аздап арттырады. Тюнерлер 6.5 литрлік V12 моторын жақсарту арқылы 55 ат күші мен 35 Нм қосқан. Жалпы 1070 ат күшін беретін Revuelto жақсарған төмен тарту күшінің (Downforce) арқасында жолда өте жақсы жүреді, алғашқы жүздікті әдеттегіден 0.1 секунд жылдам еңсереді — Mansory Initiate бұл межені 2.4 секундта бағындырады. Бірақ ателье Эстебан Оконға арналған экземплярдың қозғалтқыш қуатын арттырды ма, жоқ па, белгісіз.