Mansory Ferrari кроссоверін әрледі

Әйгілі Mansory ательесі Pugnator кроссоверін көрсетті. Шеберлер Ferrari Purosangue-ты түрлендіріп, осындай атау берді. Машинаның экстерьері мен салоны өзгеріп, қозғалтқыш қуаты аздап артқан. Экзотикалық Pugnator-дың бағасы белгісіз.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Кроссоверге арналған бодикитте карбон элемент өте көп, өйткені Pugnator аса агрессивті көрінеді. Үлкен диффузоры бар жаңа бампер өзгеше ауатартқыш және түрлі жапсырмамен толыққан. Алдыңғы бөлігінде жаңа капот пайда болды, ал артында ірі антиқанат пен қосымша спойлер көзге түседі. Дөңгелек дискісі — 22 және 23 дюймді. Шанақтан италиялық брендтің барлық белгісі жойылған.

1 / 4

• 
• 
• 
• 

1 / 4

Mansory тапсырыс берушінің талабына сай кез келген машинаның интерьерін өзгертеді, ал Pugnator үшін қызыл түсті қосымшасы мен көміртекті жапсырмасы бар піл сүйегі түстес былғары таңдапты. Салонға кілемшелер де төсеген.

Ferrari Purosangue-тың қозғалтқышы 725 ат күшіне ие. Тюнерлер 6.5 литрлік V12-ні жақсартып, қуатын 755 ат күшіне жеткізді.

Mansory Pugnator Монакодағы яхта көрмесінде жарық көреді. Тұсаукесер өтетін орын кроссоверге арналған әрлеу пакеті арзан болмайтынын білдіреді.