Автомобиль қауіпсіздігін зерттейтін EuroNCAP автоөндірушілерді тачскринге тым әуес болмауға шақырды. Ассоциацияның стратегиялық жоспарлау жөніндегі директоры Мэтью Эйвери мұның маңызды мәселе екенін әрі EuroNCAP физикалық батырмадан бас тартуға қарсы әрекет ететінін айтты.
Маман негізгі және қосымша функцияларды сенсорлы экран арқылы басқару апат қаупін арттыратынын айтты. Жүргізуші борттық медиажүйе ішінен өзіне қажетті батырманы табу үшін жолдан көзін тайдырады. Мұндай кезде оқыс жағдай туындауы мүмкін.
Мэтью Эйвери EuroNCAP 2026 жылы осы аспектіні сынақ ережесіне енгізетінін айтты. Ассоциация автоөндірушілерден автомобиль салонында аз болса да физикалық батырма болғанын сұрап отыр. Сарапшылар мұндай батырма жүргізуші жұмысын жеңілдетеді деп санайды.
EuroNCAP бұрылыс сигналын, әйнек сүрткішті, апаттық сигнал, клаксон және eCall жүйесі арқылы жедел қызмет шақыру функциясын сенсорлы экранға көшіруге болмайтынын айтты. Ұйым автоөндірушілерден физикалық батырма орнатуды талап етпейді, бірақ сынақ кезінде батырма жоқ көлікке аз ұпай береді. Мұндай батырмасы жоқ машина қауіпсіздік рейтингінде жоғары ұпай ала алмайды. Бұл модельдің клиенттер алдындағы имиджіне кері әсер етеді.
Комментариев: 0