Майк Тайсон мінген Ferrari F50 сатылады

Тамыздың екінші жартысында өтетін Gooding & Company аукционында Ferrari F50 саудаға түседі. Ол АҚШ нарығына арналған 55 суперкардың бірі, ал көліктің алғашқы иесі — әйгілі боксшы Майк Тайсон.

1996 жылы ақпанда шыққан автомобиль АҚШ-тағы Beverly Hills Sports Car салонына жол тартады, Тайсон оны сол жерден сатып алған. Спортшының темір тұлпарды қанша уақыт тізгіндегені белгісіз, жаңа иесі оны 2001 жылы алыпты. Кейінгі бес жылда F50 тағы бірнеше адамның меншігінде болды. Қазір одометрі 6.2 мың миль көрсетіп тұр.

1 / 10

• 
• 
• 
• 
• 
• 
• 
• 
• 
• 

1 / 10

Сатар алдында көлік марка мамандарының қолына түскен, шеберлер дөңгелек қабын ауыстырып, жаңа ажыратқыш орнатты, ауа баптағышы мен алдыңғы аспаны көтеретін жүйені жөндеді. Оған қоса автомобиль модель мен компоненттерінің түпнұсқа екенін растайтын сертификат алды.

Ferrari 519 ат күшіне ие 4.7 литрлік V12 Tipo-мен жүреді. 471 Нм момент 6 сатылы механика арқылы артқы дөңгелектерге беріледі.

Аукцион үйі F50-ді 5.5 млн долларға бағалап отыр.