Mahindra бренді Volkswagen компоненттерінен жасалған Inglo платформасына негізделген алғашқы екі электрокарын жұрт назарына ұсынды. BE 6e және XEV 9e деп аталатын екі модельдің дөңгелек базасы (2775 мм), күштік құрылымы бірдей, бірақ шанақ өлшемі әртүрлі. Марка қазір тапсырыс қабылдап жатыр, бағасы — 22.4 мың доллар (11.2 млн теңге).
Қос көлік екі жыл бұрын шыққан концептілерге ұқсас футуристік сырт пішін алыпты, дегенмен ірілеу XEV 9e онша оғаш көрінбейді. Ол жарты метрдей ұзын.
Кіші машинаның салонында ерекше әрленген ортаңғы тоннель мен оның астындағы кокпитті бөліп тұрған арқалық көзге түседі. Мамандар геймерлер стиліндегі кресло қойып, экзотикалық жарық орнатқан.
Екі көлік те әзірше артқы жетекті. Мотор гаммасында 231 және 286 ат күшін (350 Нм) беретін екі агрегат бар. Ең қуаттысымен жүретін кроссовер алғашқы жүздікті 6.7 және 6.8 секундта еңсереді. Қозғалтқыштар BYD концерні жасаған 59 немесе 79 кВт∙сағ екі аккумулятормен бірге жұмыс істейді. Ұзақ жүретін нұсқаның жүріс қоры 550 және 533 км-ге жетеді. Батареясын
Inglo платформасы бейімді амортизаторлар мен Snapdragon 8295 базасындағы мықты есептеу жүйесін қолдануға мүмкіндік беретін толығымен тәуелсіз аспа болатынын білдіреді. Жүйе сыртқы сезгектер беретін ақпаратты өңдеп, жүргізуші ассистенттері кешенінің жұмысын қамтамасыз етеді.
Mahindra модельдерді 2025 жылы қыста не көктемде жеткізе бастайды. Кейінірек алдында шағын моторы бар толық жетекті нұсқалары шығуға тиіс. Тағы бірнеше жылдан соң BE мен XEV толыққанды модельдік топтамаға айналады.
Комментариев: 0