Корейлік кроссовердің жаңартылған үлгісі жыл басында АҚШ, Еуропа және Ресейдегі таныстырылымдарда көрсетілген болатын. Ал Қытайлық нұсқа жақында ғана, тамыздың соңғы күнінде ашылған Чэнду қаласындағы автосалонда көпшілікке паш етілді.
Бұл Tucson-ды жаһандық аттасымен шатастыру мүмкін емес, себебі «қытайлық» көлік жергілікті халықтың талғамына сай ерекше әрленген. Ол радиатор торының массивті хромдалған жиегіне, қос қабатты фронтальді оптиканы сырттай біріктіретін жүріс шамдарының тік тұтқаларына ие болыпты. Алдыңғы жағының өзгеше дизайны көлеміндегі айырмашылыққа әкеп соққан — қытайлық Tucson-ның ұзындығы 4 545 мм-ді, ал халықаралық бауырласының ұзындығы — 4 480 мм-ді құрайды.
Көліктің қозғалтқышы біреу — жеті сатылы роботталған беріліс қорабымен ұйлескен, 177 ат күшін беретін 1.6 T-GDI турбиналы моторы. Жетек алдыңғы не толық болады.
Салонда қытайлық нұсқа өзіне торпеда ортасында орналасқан сенсорлы басқарылатын кең форматты қомақты экран арқылы назар аудартады. Ол аспан асты елінің автокөлікке құмар жандары үшін арнайы жасалған мультимедиалық жүйенің қызметін қамтамасыз етеді. Орталық консоль мен тоннель толықтай қайта жасалып, цифрлы аспаптар панелі орнатылған.
Жап-жаңа Hyundai Tucson-ның сатылымы ағымдағы айда бастау алады. Кроссовер жергілікті кәсіпорында, BAIC Motor — Beijing Hyundai концернімен бірлесе отырып шығарылатын болады.
Комментариев: 0